اعرف كم تقدر تصرف اليوم، واللي توفّره يترحّل لبكرة.

حدّي تطبيق عربي لمصاريفك ودخلك على جوالك. يناسب الموظف براتب ثابت، وصاحب الدخل المتغير. وبياناتك تنحفظ في قوقل درايف حقك أنت، محمية برمز سري.

اطلب حدّي عندي كود — ادخل التطبيق

يشتغل من المتصفح على الآيفون والأندرويد والكمبيوتر، بحساب قوقل.

كل اللي تحتاجه، وبس

بدون إعلانات، وبدون ربط حسابك البنكي.

🎯

حد يومي

تحدد كم تصرف باليوم، والتطبيق يقولك المتبقي. اللي توفّره يترحّل لبكرة، والتجاوز ينقص منه.

💰

دخل ثابت أو متغير

راتب، عمولات، أعمال حرة. الدخل يروح للرصيد، أو يتوزّع على باقي الشهر، أو يرفع حد يومه.

🧾

الالتزامات والفواتير

إيجار، أقساط، اشتراكات. تشوف "رصيدك الحر" بعد خصم اللي عليك خلال 30 يوم.

🪙

حصالات لأهدافك

سفر، طوارئ، جهاز جديد. تحجز لها من رصيدك وتتابع تقدّمك.

🤝

الديون والسلف

مين لك عنده، ومين له عندك. السداد يتسجل ويتحسب تلقائياً.

📊

الفئات والرؤى

وين تروح فلوسك، الضروري مقابل الكمالي، ميزانية لكل بند، وكم شهر يكفيك رصيدك.

🤍

نصيب الخير

لما توفّر من حدك، يقترح عليك تخلّي جزء منه صدقة.

📧

ملخص شهري

أول كل شهر يوصلك على إيميلك ملخص الشهر اللي قبله.

💾

نسخة احتياطية

كل أسبوع تتحدث نسخة من بياناتك في درايفك تلقائياً.

كيف تبدأ؟

دقيقتين وتكون جاهز.

اطلب كود التفعيل

يوصلك رابط التطبيق وكود خاص فيك. كل كود لحساب قوقل واحد.

افتح الرابط بحسابك

سجّل دخول بحساب قوقل حقك، ووافق على الصلاحيات، واكتب الكود.

جاوب على كم سؤال

اسمك، رمزك السري، دخلك، ورصيدك الحالي. ونقترح لك حد يومي يناسبك.

بياناتك لك، ما نشوفها

حدّي يشتغل بحساب قوقل حقك، ويحفظ كل شي في ملف داخل قوقل درايف حقك.

عملياتك ورصيدك في ملف "حدّي — بياناتي" في درايفك، وما يوصل لنا.
ما نبيع بياناتك، وما فيه إعلانات، وما نشارك شي مع أي جهة.
التطبيق محمي برمز سري، ولو نسيته يوصلك كود استعادة على إيميلك.
تقدر توقف وصول التطبيق لحسابك أي وقت من إعدادات حساب قوقل.

اقرأ سياسة الخصوصية كاملة

أسئلة

لو عندك سؤال ثاني، راسلنا على info@7di.app

هل لازم أنزّل تطبيق؟

لا. حدّي يفتح من المتصفح بالرابط. وفي الآيفون تقدر تحطه أيقونة على الشاشة الرئيسية.

هل يربط بحسابي البنكي؟

لا. أنت تسجّل المصروف بضغطتين، وما نطلب أي بيانات بنكية.

وين تنحفظ بياناتي؟

في ملف جدول بيانات داخل قوقل درايف حقك. تقدر تفتحه بنفسك أي وقت.

أقدر أستخدمه على أكثر من جهاز؟

إيه، على أي جهاز تسجّل فيه دخول بنفس حساب قوقل. تكتب رمزك مرة وحدة في كل جهاز.

أقدر أعطي الكود لأحد ثاني؟

كل كود ينربط بأول حساب قوقل يفعّله، وما يشتغل لحساب ثاني.

ليش يطلع تحذير من قوقل أول مرة؟

التطبيق تحت مراجعة قوقل للتوثيق. اضغط "إعدادات متقدمة" ثم "الانتقال إلى حدّي"، ووافق على الصلاحيات.

About حدّي (Haddi)

حدّي is an Arabic personal budgeting web app. Users record their expenses and income from their phone, set a daily spending limit, track bills, savings goals and personal debts, and receive an optional monthly summary by email.

The app runs with the user's own Google account. All financial data the user enters is stored in a Google Sheets file that the app creates in the user's own Google Drive. We do not have access to that file, we do not sell or share user data, and we show no ads. Access requires an activation code purchased from us.